Wie schich z'Damen 2 bim Fischo schlaht...

Ver üsszfiehro z’Spiel gägs de VBC Spada Academica,

heiwer geschter am 18:30 am Irchel miesso ufom Fäld stah.

Rekordverdächtigi 12 Limmattaler Spielerinne sind gsi präsent,

und jedi va dene wird hito ire Isatz hä isch gsi vam Trainer z’Statement.

Das het de eu ganz güet ins Konzäpt vam VBC Spada gipasst,

will d’Azahl Wäggsel uf derosch Siita isch ja mal gsi krass!

Wie jedi va miine Mitspielerinne schich het gschlago,

tüenn ich im Folgondo mich mal z’beschriebo wago:

Währond d’Yara isch stabil mit güete Päss het versorgt,

sind d’Miri und d’Yvana inner Defense gsi stets vor Ort.

D’Lisa het z’Revier am Netz züeverlässig verteidigt,

Nora, Isa und Chiara heint festgstellt, dassmu mit lenge Dia-Agriff Pinkt heimbringt.

D’Madi het gitroffo d’Linia haargenau,

der Schiri het aber gipfiffo der sigi gsi im Üss tschautschau!

D’Steffi het bigeischtro mit ra krasso Rettigsaktion,

dassne jemand aber de nu tüet uber z’Netz isch leider gsi en Illusion.

D’Angi het üssgipackt iri fieso Service,

wa ver di Gägnerinne immer sind der Aschiss.

Danke Anni ver diini müsikalischo Biiträg und anni Züeschauer:inne,

ier heit derzüe bigitreit dass wier der Match 3:0 hei derfo gwinno!

Zum MVP heiwer ischos super-flingg Fischji Miri gikrönt,

und dermit ire erschti Saison-Isatz bim Damen 2 entlöhnt.