Gigwunno isch gigwunno...

Zum Jahresendi mäldi mi numal,
zu mu Match wa isch gsi biz theatral.

Gango siiwer an en Ort wa heisst Obfäldo,
das isch irgundwo im Säuliland z'vermäldo.

Ine ersch Satz siiwer gstarto ganz gmächlich, 
und hei gmacht bi 25 zu 20 der Strich. 

Das geit nu besser heiwer nisch gseit,
und mit 25:13 gizeigt was alles geit. 

Was nacher isch passiert weiss niemmer so genau, 
der dritt Satz isch jedefalls gsi alles annera als WOW. 

Wier hei ne mit mu 23:25 an iischi Gägnerinne miesso abgä,
und äsch klar wordo dasswer nisch alli numal anner Nasa miesse nä. 

So ganz giglungo isch das im vierto Satz nit, 
will es 26:24 isch eu nit wirkli gad en Hit. 

En Pause tüet nisch sicher alle güet, 
dasswer im neuo Jahr hei wider meh Müet.

Zur bescht Spielerin heiwer d'Madi gikrönt, 
will iri Wäggsel zwischo Pass/Dia alles heint ubertönt.