Wieso die Halle in Dübendorf zu klein ist für das D2...

ingesamt isch z‘kader gägo dübodorf gsi chli,

will leider nit alli heint chenno mit derbi si.

was di spielerinne aber alles so heint gleischto,

tüenn ich ich dem gedicht zämochleischtro:

zersch heint d‘angie und z‘rachi z‘üsstigo üssom bus verpennt,

will schi schich wägo „Halle Högler ≠ Station Högler“ heint verrennt.

derna het der luca es eigunds maté mitgno,

und dank dum rachi hets gigä en maté doppio.

di defense isch gsi bi dem match hammer güet,

bim agriff het nisch aber oftmals gfählt der netig müet.

keis wunder het d‘nora gmeint: „di halla isch so chli,

da passt nitmal mine aleufschritt dri!“

z‘fanta het gigä der anni d‘netig energie,

und z’verstah va yara‘s fingerzeicho isch bald eu nimme magie.

all das zämo mit ra starcho teamleischtig heint derzüe bigitreit,

dass im app jetzt es 3:0 ver limmattal steit.

p.s.: will d’anni schich ungäro tüet zwischo der ivana und der chiara entscheido,

isch der MVP verdient gango an di beido.

team basil smash het wiiter durscht,

ver d‘negschto spiel was wie immer geit umd wurscht!