S’Debut vom Dame 3

Euses neu eröffnete Dame 3 stellt sich in ihre erste Match geg Volley Obfelde, die wo frisch us de 4. Liga herabgstiege sind.

Aber als erstes eh churzi Vorstelligsrundi, au wenn ihr scho viel vo eusem U23 kennet.

Eusi Passeuse sind Mirjam, Mia und Sunita

Eusi Mittene sind Neva und Annina

Eusi Usse sind Elena, Nadia, Lynn und Ale

Und eusi Dia isch Nikolina.

Euse erste Match hät en super Start kah, sogar mit en chline Vorsprung, doch schnell häts agfange zu stolpere. Trotz eusere gfüllti Trainerbank die eus ganz viel Support zuesprach, gings im erste Satz echli ufe und abe. Viellicht häts ade Halle glege, und ihri 3m hohi Decki, oder ade Luft, aber de erste Satz händ mir leider müesse abgeh, trotz euse starche Kampf.

Schnell hät den au scho de zweite Satz agfange und.. bam scho isch er weg gsie. Oops, leider müesse 8:25  abgeh. Outsch, das hät weh taa.

Für de dritte Satz händ mir eus den eifach vorgnoh Spass z’ha und s’beste druus z’mache, und so händ mir sogar 11 Pünkt chöne abstaube.

Fazit: Es tönt viellicht echli härt das euse erste Match so zu Endi gange isch, aber mir sind eus no am finde als Team und es isch ned so schlecht gsie wie es töne mag, mir händ trotzdem en guete Kampf gliefert, aber leider häts ned glanget. Doch für eus alli isch es klar, de nächste wird besser. Deswege würdet mir eus mega freue, eu willkomme z’heisse zu eusem nächste Match gege Tornado Adliswil am 22.10!

Euse erste MVP vo de Saison isch d‘Neva, die es Obfelde am schwierigste gmacht hät!

Liebi grüess, mit eusem (voruusichtliche Ruef)

KAT-YES-YES-YES

eues D3 <3