Service Training fürs U23

Nach de letzt Saison, häts eis Gegner-Team geh mit dene mir no e offeni Rechnig kah händ.

KSC Wiedikon hät letztes Jahr mit eus es Chopf-ah-Chopf renne gfüehrt, um de erste Platz vo de Stärchichlass zu ergattere. Leider, durch es paar unglücklichi Zuefäll händ mir nume de zweite Platz erlange chöne und müesse zueluege wie Wiedike de Sieg Hei gbracht hät.

Mir sind deswege umso motivierter gsie Wiedike ufm Spielfeld zu begegne. Mir händ eus gfrögt obs wieder es Chopf-ah-Chopf Renne wird, oder ob mir ihne das Mal scho vom Afang a d’Stirn büüte chönd. Vorfreud mit echli Nervosität isch durch eusi Adere gflosse. Wie wirds das Jahr sie?

Mir sind i d’Wiediker Halle iitrete, ready für alles… ussert für das wo ufm Feld gstande isch. Unerwartet hät sich Wiedike in zwei gteilt kah, und eusi Gegner vo letztes Jahr händ sich id 1. Stärchichlass aagmolde. Die, geg dene mir gspielt händ, sind.. interessant gsie. Ich glaub sie händ sich chli verlofe und vergesse sich id 3. Stärchichlass aazmelde. De Match isch knapp e Stund gange und es isch Hauptsächlich serviert worde vo eusere siite.

Nichtsdestotrotz händ mir spass kah und Miri als euse MVP nominiert.

Mir gsehnd eu bim nächste Match, wenn den s’segnerische Team s’gliiche mit eus macht. Denn am 1.10.25 spielet mir geg D2 Volero für de Züricup, deswege chömet gern verbi go luege und aaführe!

byebyee

eus U23 <3!