Wie z'Damo 2 dum ganzo langsam necher chunnt...

Der Match vam 10.12 gägo Volley Uster,

het nit eso gipasst ins bisherig Muster.

So diitlich heiwer die Saison nämmli nu nie verloro,

das het nisch beschäftigt lenger als bis ubermoro.

Der Match het nit z‘viel va miiner Ziit als Autorin verdient,

drum erscht nach mu bessero Match wider en Matchbricht erschient.

Am Samstag heiwer nämmli gspielt,

gägo de VBC ZuZu ganz wild.

Gwinno isch nisch leider niit giglungo,

die Gägnerinne heint nisch in alle Sätz mit ca. 25:23 bezwungo.

Üss dem Match chennewer aber mitnä,

dasswer eu gägo güeti Gägnerinne chenne ahä.

Die Züerversicht nämewer mit,

dass moro hoffuntli mal Pinkt ver iisch git.

Und im neuo Jahr,

mächewer hoffuntli der Ligaerhalt klar!

Wanni d'MVP-Bilder hä üssagsüecht,

hänni gmerkt dass der Match vam 3.12 gägo Rämi isch unnergango - verflüecht...

Deno heiwer leider eu verloro,

aber wie gseit - wier gleube fesch an moro!

Und apropos MVP:

Das wär de d'Ophelia, d'Stefi, d'Ivana und ich gsi 😊