Es Sixpack...

Üssom wunderschöno Limmattal,

mälde wier isch zum Saisonschluss numal.

Säggsch Spiel sind sit dum letschto Matchbricht vergango,

daderbi heiwer um de Ligaerhalt miesso bango.

Leider mit dum sehr unschöno Ergäbnis,

das negschjahr wider 4. Liga gspilt wird – ganz zu iischom Ärgernis.

Trotzdem tiewer nit druff verzichto,

ew va de letschto Mätch z’brichto:

Gägo Spada heiwer mit 3:0 gigwunno ganz klar,

ischi Mittispilerin d’Steffi isch gsi nu klarer der Star.

(Foto 1)

OTA Volley het nisch in drii Sätz gschlago hochüss,

zum Glick het d’Nora mer zum Troscht gscheicht en Blüemostrüüss.

(Foto 2)

Eu wenn d’Ivana an dem Match mal wieder alles het gigä,

het nisch Oerlikon kei einzige Satz la heimnä.

(Ich habe heute leider kein Foto für dich)

Gägo Wädivolley heiwer jede Satz knapp abgigä,

und d’Jeanne het ire MVP-Titel-Run derfo ubernä.

(Foto 3)

Willwer hei üssagfunndo dasswer ufe Ligaerhalt doch nu hei en Chance,

heiwer probiert z’bewahro iischi Contenance.

Eu wewer gägo Uster dank der Contenance hei gspillt solid,

isch der Träum vam Ligaerhalt mit der 2:3-Niederlag definitiv ins Wasser kiit.

D’Jeanne het eu an dem Tag wider gizeigt,

das schi mit ire 17 Jahr iisch alle zeigt wies geit.

(Foto 4)

Im letschto Spiel va der Saison is de nimme gango um viel,

Gspass hä isch drum gsi z'einzig Ziel.

D’Eleonora und d’Miri sind als Ersatz ver d'Yara mitcho,

um die Unnerstützig siiwer gsi sehr froh.

En 3:2-Sieg heiwer zum Saisonschluss derfo mitnä,

zer Fiir vam Tag hets inner Kabina paar Bierli gigä.

Am Schluss wellti nur nu eppis sägo: Äs isch doch eifach verreckt,

dass d’Jeanne im Volleyball nu besser isch als in irom BG-Projekt.

(Foto 5)